Best collection of hindi gazals

nice and Best gazals in hindi, Ye hai *Naseebon Ki Baat* Kisi ko mil jae wafa naseebon ki baat hai Koi rota rahe sada naseebon ki baat hai Kisi ko chahna khud se barh kar Na ban sake wo apna naseebon ki baat hai Koi kisi ki yaad me roya kare bohut Koi kare na parwa

naseebon ki baat hai Apni jan b war deta hai kisi par koi Phir b rahe koi khafa baseebon ki baat hai Kisi ko mil jaen khushian hazar Koi dhundta rahe muskan naseebon ki baat hai Koi mil jae kisi ko bin mange hi Koi umar bhar karta rahe tlash naseebon ki baat hai

Ye barishain bhi tum si hain, Jo baras gayi tou bahar hai Jo thehar hayi tou qarar hain Kabhi aa gayi yunhi bey sabab, Kabhi chaa gayi yunhi roz-o-shab Kabhi shor hai, Kabhi chup si hain Ye barishain bhi tum si hain Kisi yaad mein kis raat ko ik dabi hui si raakh ko Kabhi yun hua k bujha dia Kabhi khud se khud ko jala dia Kahin boond boond mein gum si hain Ye barishain bhi tum si hain
Aarzo ki shiddat ko kaash tum samajh saktey Meray dil ki chahat ko kaash tum samajh saktey Kis tarha jalati hein sadain judai ki Hijar ki qayamat ko kaash tum samajh saktey Peyar k siwa mujh ko aur kuch nahi aata Meri is aadat ko kaash tum samajh saktey Jo dekhai detay hein, loug wo nahi ‘wasi’ Sirf is haqiqat ko kaash tum samajh saktey

Mujhy duaon mein yaad rakhna Main wo musafir hon jis ka rasta bohut kathan hay Mera asasa hi dosti hay Ye ghup andheron mein roshni hay Ya kaali raaton mein chandni hay Isi saharay guzer rahay hein ye zindagi k haseen lamhay Ye meri izzat ye meri shuhrat Hay doston ki dua ka haasil Mujhy duaon ka aasra hay Meri bas itni iltija hay Mujhy duaon mein yaarakhna Mujhy duaon mein yaad rakhna
Reza kanch ki surat mein bikhar jata hun Main teri yaad mein jab had sy guzar jata hun Ab gurezan hai wo milnay se jo kehta tha kabhi Tum se miltay hi main kuch or nikhar jata hun Roz khata hun tujay yaad na karnay ki qasam Roz wadon sy main apnay hi mukar jata hun Muh ko tamasha bana dia hai mohabbat ne teri Log kastay hain awazien main jidhar jata hun Har
gham pe khaya hai mohabbat ka dhoka Ab koi pyar se bulata hai to dar jata hun
“Us waqt ko yaad kar zara, jab uthaya jayega Tera Janaza Tere chahne wale Tujh par aansoun bahainge Is say ziada kuch nahi kar payenge Phir tujhe nahla kar kafan pehna kar Qabar k garhay mein ja dafnayenge Phir kuch din bhi na guzar payenge Yahi log qehqahe lgayenge marne walon k 7 kon marta hay Qabron pe phir kon aya karta hay Tujhe mare hue jab zamane guzar jayenge Log naam bhi bhool jayenge Bas yehi he haqiqat is dunia ki khoob ja lo Kamiyabi chahte ho to ALLAH ki maan lo”..

Behkay huey sare-aam bari dair ho gai, Saqi pila de jaam bari dair ho gai Kabhi hum pe bhi waqt tha pitay pilatay thay, Ab choray huey ye kaam bari dair ho gai Kesy bhula don tujh ko saahil ki rait par,
Likhtay huey tera naam bari dair ho gai Kiya bataen manzar sooraj k doobney ka, Dekhay hoey koi shaam bari dair ho gai Ehbaab ne meri minnaten hazaar ki, Pee lijiye janaab bari dair ho gai Dekhay mery gunah to farishtay pukaar uthay, Bohut ho gaya hisaab bari dair ho gai Chalo SAGAR ajj un k kochay mein chalen, Un k kiye salaam bari dair ho gai

Raah-e-wafa mein sazaaon ko kon dekhega, Safar hay dhoop ka chaaon ko kon dekhega Hum apni zid pe aaye tou cheen lenge usay, Us k sheher ki lambi diwaaron ko kon dekhega Uski bazm k hum wo chiraagh hein jana, K jab jale tou hawaaoon ko kon dekhega Bicher tou jayen magar phir khayaal aata hay Uski in dilkash adaaon ko kon dekhega
Tum kyun banay ho dil ka sahara jawab do Ab kahan hay wo pyaar tumhara jawab do Kis ko tha naaz apni adaaon pe her gari Kis ne kiya wafa se kinara jawab do Hum tou seh na sakenge judai ka ghum Ye qoul tha mera k tumhara jawab do Aik taraf zindagi, aik taraf mout hay Ab kis taraf karoge ishara jawab do

Muhabbat ka dhuwan aankhon mein pani chor jata hay Kisi raste se ghum guzre nishani chor jata hay Humari guftugo se bhi wo qae’yl nahi hota Or apni khamoshi k bhi ma’ani chor jata hay Bharosa jis pe ho uss se tawaqo koi mat rakhna Yehi ik sa’eban be-saa’ebani chor jata hay Bichar kar bhi hum aise shakhs se bichra nahi karte Jo ek fiqra ada kar k kahani chor jata hay Ghalib mout bhi koi kam khubsurat nahi hogi Jo is ko dekhta hay zindagi chor jata hay
“=Purani Basti=” Ao udas raton mein Dil ki basti mein Aa k dekho Hr ek rasta, hr ek daricha Tumhari chahat ka muntazir ha Falak se takta ha chand tum ko Sitarey tum ko bula rahe hain Tumhari amad k
muntazir hain Mujhe yaqin ha Tumharey dil mein Gaye dino k khayal hain kuch Naye safar k malal hain kuch Nai ruton k sawal hain kuch AGAR Ye such ha tou meri mano Puranay raston pe loat ao Purani basti mein koi ab tak Tumhari amad ka muntazir hai

Apni baaton mein merey naam k hawaley rakhna Mujh sy bichrey ho tou khud ko sabmbhaley rakhna Log pochein gay kyun preshan ho tum Kuch nigahon se kehna zubaan pe taaley rakhna Na khoney dena merey beetay lamhon ko Meri yaadon ko baray payar sy sambhaley rakhna Main loat aaonga itna yaqeen hay mujh ko Tum meri yaad ki shama jalaye rakhna

Main apni dosti ko shehar mein ruswa nahi karti, Mohabbat main bhi karti hoon magar charcha nahi karti Jo mujh se milnay aajaye main us ki dil se khadin hoon, Jo utth k jana chahay mein usay roka nahi karti Jisey main chhor deti hoon usey phir bhool jati hoon, Phir us hasti ki janib main kabhi dekha nahi karti Tera israar sarr aankhon pe k tum ko bhool jaaoon main, Main koshish kar k dekhoon gi magar waada nahi karti
“Zameen pe chal na saka aasman se bhi gaya” “Katwa ke par, wo paroda urraan se bhi gaya” “Tabah kar gai pakkay makaan ki khuwahish” “Main apne gaon k kachay makaan se bhi gaya” “Parai aag mein jal k bhi kya mila mujhko” “Usay bacha na saka, Apni jaan se bhi gaya” “Bhulana chaha to uski bhi inteha kar di” “Wo shakhs ab mere wehm–gumaan se bhi gaya” “Kisi k hath ka nikla hua wo teer hoon main” “Hadaf ko to choo na saka par kamaan se bhi gaya”

Door reh kar kareeb kitnay hein, Faslay bhi ajeeb kitnay hein Dard-E-dil ki dawa nahi warna, Es jahan mein tabeeb kitnay hein Umer bhar sath jo rahay teray, Us k achay naseeb kitnay hein Kyun na aaye tum meray sapno mein, Meray shikaway bhi ajeeb kitnay hein
Saath chalne main jo maza hota Woh humain bhi kabhi mila hota Yeh hi hasrat rahi hamari faqat Saath apne koi chala hota Hum bhatakte rahe the raahon mein Koi rasta pata chala hota Thaam leta
humain bhi barh ke koi Haath hum ko koi mila hota Hum ulajhte nahi zamane se Ek jo Humsafar mera hota Hum na thakte safar mein gar Saath apne koi chala hota
Ashko’n ki zuban woh kabhi pehchan na paya Da’awa tha parkhne ka magar jan na paya Aaye tou bohat log mere dil mein bhi lekin Tujhsa kabhi dil ne koi mehmaan na paya Suntay hain k ik hashar uttha deti hay chahat Hum ne tou kahee’n bhi koi tofaan na paya Su dukh mein bhi chehre pe tabassum ki lakeerein Iss tar’ha ka main ne kabhi insaan na paya Main phir bhi jalata ho’on charagho’n ko sehar tak Aane ka tere koi bhi imkaan na paya Dunya k sitam sehte bhi daikha tujhe Qesar Chehre ko kabhi bhi tere veeraan na paya

Kabhi teri rafaaqat se nikalna hi nahi mumkin Kabhi daaman chura lena bohat aasaan lagta hay Kabhi tum rooth’te ho tau ajab mushkil si parti hay Kabhi tum ko mana lena bohat aasaan lagta hay Kabhi samjha karo kuch faisle halaat karte hain Kabhi waada nibha lena bohat aasaan lagta hay Kabhi kuch din tumhare bin guzarte hi nahi lekin Kabhi muddat bita lena bohat aasaan lagta hay

Kisi ki rah me ankhen bicha kr kuch nhi milta. Ye Dunya Bewafa Hai Dil Laga Kr kuch nhi milta. Koi Bhi Lot kr Ata Nhi Aanso Bahany Sy Kisi ki yaad me dil ko rula kr Kr kuch nhi milta. Kisi k dil pay kya guzry kisi ko kya khabar is ki Kisi ko Apna Hal-e-dil suna k kuch nhi milta.
Hone lagi nafraten muhabaton k shehar mein Hum huey bohat ruswa mohabaton k shehar mein Kal raat ek darvesh bhoka hi so gaya Kese rehtay hen log mohabaton k shehar mein Kisi ne piyar diya na kisi ne ehsaas kiya Aik majnu mar gaya
mohabaton k shehar mein Gulab hont shagofta chehray gaye kahan Kyun band pare hein ye makaan mohabaton k shehar mein Tum ne kyun likh di hay mohabaton pe ghazal Jise parhta nahi koi mohabaton k shehar mein
Zindagi par kitaab likhon ga Us mein saray hisaab likhon ga Pyaar ko waqt guzaari likh kar Chahton ko azaab likhon ga Hoi barbaad mohabbat kesy Kesy bikhartay hain khuwaab likhon ga Apni khuwahish ka tazkira kar k Naam uska jawaab likhon ga Uski aankhain sharab ki manind Uska chehra gulaab likhon ga Main us k na milne k sabab ko Apni qismat kharab likhon ga

Yaad-e-maazi mein jo aankhon ko saza di jaye Is se behtar hay k har baat bhula di jaye Jis se thori si bhi umeed ziada ho kabhi Aisi har shama sar-e-shaam jala di jaye Main ne apnon k rawayoun se ye mehsoos kiya Dil k aangan mein bhi diwaar utha di jaye Main ne yaron k bicherne se ye seekha Sehar Apny dushman ko bhi jeene ki dua di jaye
Laho se dil k kaghaz par, koi tehreer hoti hay Tou ahl-e-dil samajhtay hain, yehi taqdeer hoti hay Tujhe khuwaabon mein aksar log mujh se cheen lete hain Suna hay saare khuwaboon ki ulat tabeer hoti hay Yehi chaahat kisi ko taaj ki surat nazar aaye Yehi chaahat kisi k paon ki zanjeer hoti hay Wafa ki jang talwaron se jeeti ja nahi sakti K sachai or mohabbat se wafa ki jeet hoti hay Suno ghazlyn be-sabab likhi nahi jaati K shair k tasavur mein koi tasveer hoti hay

Mohabbaton Ne Kaisa Kamaal Kar Dala Humain Tou Udaasiyon Ki Misaal Kar Dala Kabhi Milein Tou Pouchain Gay Ik Doojay Se K Kis Ko Kis K Ghum Ne Nidhaal Kar Dala Tu Bata Us Se Kya Kahon Gi Main Meri Udaasi Pe Jo Kisi Ne Sawal Kar Dala Suna Tha Zindagi Ka Safar Bohut Mushkil Hay Aur Hum Ne Kar K Mohabbat Isay Or Bhi Muhaal Kar Dala Kuch Hum Bhi Maum K Thay Or Kuch Tum Ne Bhi Zindagi Ko Shoulon Ki Shaal Kar Dala

Matti se bana tha, Matti hi ban jaun ga Is se aagay na kuch kar paya, na kar paun ga Rota hua aaya tha, rulata hua jaun ga Pairon ki dhool hon hawaon mein bikhar jaun ga Jab dunia teri chor kar yahan se jaun ga Dekh lena Dost, tum ko bohut yaad aaun ga.
Agar kaho tou haal dil sunaaon tumko Tamaam umar saamne bithaaon tumko Mere zakhmon ka haal poocho ager jaan-e-jaan Tou ek ek zakhm ki tafseel sunaaon tumko Mout ki neen se bhi gehri ek neend hoti hai Tere baazoun ka ho takya tou dikhaaon tumko Yehi dua hai k wo waqt aaye ek baar phir Tum jo rootho tou haath jor kar manaaon tumko Har shakhs mein mujhe ek raqeeb nazar aata hai Bol ae mere hum nawa kis kis ki nazar se bachaaon tumko

‘Sheesha mera wajood hay, Pathar talash kar’ ‘Meray galay ke wastey khanjar talash kar’ ‘Qatray se meri tishnagi na bujh sakay gi ab’ ‘Mere liye tu koi samandar talash kar’ ‘Duniya ke is hujoom mein hargiz mujhe na dhood’ ‘Mujh ko kahin tu apne hi andar talash kar’
Na me paas usko bula saka~ ~Na me dil ki baat bata saka~ ~Wo hansi hansi me hi chal diya~ ~K me hath tak na mila saka~ ~U hi sochta raha door tak~ Magar usko kuch na bata saka~ ~Ye maqaam hi tha

ajeeb sa~ ~K me khud ko b na bcha saka~ ~Wo juda hua to kuch is tarah~ ~Koi rasam tak na nibha saka~ ~Usay jana tha wo chala gaya~ Usay aaj tak na bhula saka.
Dhalne lagi hai shaam tere intizar mein Ye subha kese hogi tere intizar mein Shabnam bhi ro pari meri be-basi par aaj Askhon se rah sajai tere intizar mein Mera nahi yaqeen tau sitaron se poch lo Aankhon mein shab basai hai tere intizar mein Itna na bhoolna k mar he jaen hum Aankhein khuli rahain gi tere intizar mein
Paani ki lehro’n pe harf-e-bayaan likhna chor do Saahil pe rait k kachay makan banana chor do Chaaho tou be-sabab chaaho humain warna Meri mano tou chahat k asbaab banana chor do Zamana naam hay mushkilo’n or nafrato’n ka Mere liye zamana ya mujhy zamanay k liye chor do Hosla tou bohat deti hay muhabbat bhi nafrat bhi ‘Wasi’ Mujhy paanay ki koshish tou karo chahay haasil kar k chor do
Mera maqsad bithana tha use jane ki jaldi thi Mujhe dukhrra sunana tha use jane ki jaldi thi Nahi tha waqt pas us k sunta dastaan meri Bara lamba fasana tha use jane ki jaldi thi Bari mudat ki khuwahish thi magar piasi rahi yaro Galay usko lagana tha use jane ki jaldi thi Nahi thehra wo ik lamha, jo raatein thehr jata tha Tauq to purana tha use jane ki jaldi thi Main Wasi rokta kese k rukna tha kahan us ne Usey har haal jana tha, Usey jane ki jaldi thi

Leave a Reply

Your email address will not be published. Required fields are marked *